Sa kapwa kong mga mapanlikha – mga taga-disenyo, ilustrador, dibuhante, tagalikha ng pelikula, at artista – ating isabuhay at isabahagi ang ating pagiging Pilipino gamit ang ating masining na pamamaraan sa pamamagitan ng pagsabuhay ng mga pahayag na ito:

• Ipakita, ipakalat at ipagmalaki and mga sining at disenyong Pilipino sa kapwa Pilipino at mga ibang lahi.
• Isabuhay ang kulturang Pilipino sa isip, salita, gawa.
• Kilalanin ang sarili bilang isang Pilipino sa loob man o labas ng bansa.
• Isa-ulat ang istorya ng Pilipinas sa pamamagitan ng masining na pamamaraan.
• Gamitin at ipagmalaki ang salitang kinalakihan.
• Gamitin ang materyales na gawang Pinoy.
• Gamitin, ipagmalaki at bigyang kahulugan ang talento at galing ng mga Pilipinong mangagawa ng ating mga proyecto.
• Lumingon sa ating bansa at kultura asan man tayo sa mundo.
• Magbigay inspirasyon at ituro sa mga kabataan ang halaga ng paggawa ng sining at pagdisenyo sa kasaysayan, kultura at kabuhayan ng mga tao.
• Pagaralan at balikan ang ating nakaraan upang matutunan at ihalintulad ang dapat at di dapat gawin sa ating kasalukuyan.
• Kilalanin ang iba’t ibang kultura sa bawat bahagi ng Pilipinas.
• Pagaralan ang tradisyong nagbuo sa ating kultura, ngunit ating paunlarin para sa kasalukuyang kapanahunan.
• Gumawa ng maayos at maunlad na negosyo upang mabigyan ng sigurado, sapat at tamang pera at hanapbuhay ang mga mangagawa.
• Alagaan ng tama at palitan ang mga kagamitan at materyales na kinuha mula sa kalikasan upang hindi ito maubos.
• Mahalin ang ating bansa at kultura.
• Gawin ang lahat ng ito ng may ngiti sa labi at saya ating puso.